Zbulohet origjina e çiftit të vrarë në Porvoo. Burri vdiq pas aksidentit me makinë

Mediat kanë dhënë sot disa detaje të tjera rreth ngjarjes së rëndë. Burri dhe gruaja, ende të paidentifikuar me emër nga mediat mediat, ishin qytetarë finlandezë dhe jo të huaj. Ata ishin të regjistruar se jetonin në të njëjtën adresë, një shtëpi shekullore prej druri, pas metra larg qendrës turistike të Porvoo, qytet rreth 60 km larg Helsinkit.

Prindërit ishin të angazhuar në industrinë krijuese, pra në punë që kanë të bëjnë me krijues softuerësh, reklamash, art, televizion, filma apo lojëra elektronike.

Policia gjeti të vdekur nënën dhe fëmijën në moshë parashkollore të enjten herët në mëngjes në shtëpinë e tyre. Policia nuk ka shpjeguar arsyen se përse kanë shkuar në banesë.

Sipas policisë, edhe babai i familjes është gjetur i vdekur në Helsinki. Drejtori i Hetimit Jan Aarnisalo konfirmoi për Ilta-Sanomat se aksidenti me vdekje në Helsinki mëngjesin e së enjtes do të jetë pjesë e një hetimi për vrasje.

Burri që po drejtonte një makinë në aksident vdiq në një përplasje makinë-kamioni në Kyläsaarenkatu pranë Vanhankaupunginlahtea. lagje e Helsinkit, pak para orës tetë të mëngjesit. Burri po ngiste një Peugeot të vitit 1996. Shoferi tjetër nuk ka marrë asnjë lëndim që të kërkonte trajtim në spital.

Drejtori i hetuesisë nuk e ka konfirmuar identitetin e të vdekurit nga përplasja, pra nëse ishte babai i familjes.

Megjithatë, makina e përfshirë në aksident ishte në emër të një personi që jetonte në shtëpinë ku u gjetën të vdekur nëna dhe fëmija.

Leave a Reply

Your email address will not be published. Required fields are marked *

%d bloggers like this: