fbpx

Studentët në borxhe. Ndihma 650 Euro nuk mjafton

Kredia studentore vazhdon të jetë një problem i përhapur në Finlandë, me studentët e rinj në veçanti që hasin vështirësi financiare. Në dekadën e kaluar, borxhi në vend është dyfishuar.

Në vitin 2017, administrata Juha Sipilä prezantoi një reformë të ndihmës financiare të studentëve, e cila përfshinte masa të tilla si ulja e tarifave të shkollimit të studentëve të universitetit në rreth 250 euro – e njëjtë me atë të studentëve të shkollës së mesme. Petri Laaksonen, kryetar në Unionin Studentor të Universitetit të Jyväskylä, i tha Yle se që nga reforma, ndihma financiare për studentët është bërë më e orientuar drejt kredisë.

Autoritetet kanë shkurtuar numrin e muajve për të cilët studentët kanë të drejtë të marrin mbështetje dhe fondet e bursave të studimit janë zvogëluar.

Reforma është kritikuar për zhytjen e studentëve më tej në borxhe, ndërsa ata përfundojnë studimet e tyre. Nëse një student nuk është i punësuar, të ardhurat e tij mujore përbëhen nga granti i studimit 250 euro, së bashku me mbështetjen për strehim prej një maksimum prej 400 eurosh.

Përfaqësuesit e studentëve tregojnë se kostot e strehimit për studentët janë mjaft të larta, veçanërisht në qytetet e populluara gjerësisht si Helsinki, dhe studentët përpiqen me vështirësi të mbijetojnë për shkak të fondeve të pamjaftueshme. Sipas një studimi në vitin 2019, një në katër studentë u detyrua të marrë para borxh nga një mik për shkak të problemeve financiare.

Bankat në Finlandë aktualisht u ofrojnë studentëve hua gjashtëmujore deri në 3,900 euro. Shumë zgjedhin këtë opsion në vend të kësteve mujore. Prandaj, një numër i madh i studentëve – veçanërisht nxënës të shkollave të mesme profesionale – nuk janë në gjendje të menaxhojnë financat e tyre në mënyrë efektive gjatë kohës së dhënë.

Ministria e Arsimit dhe Kulturës aktualisht po konsideron të bëjë ndryshime në reformë, duke përfshirë ndalimin e kredive gjashtë mujore për studentët e shkollave të mesme. Ministria gjithashtu ka propozuar lehtësim të huasë për studentët për shkak të stituatës së pandemisë që është ende prezent.

Leave a Reply

Your email address will not be published. Required fields are marked *

%d bloggers like this: