Rusia dhe Ukraina arrijnë marrëveshjen e parë, por lufta nuk ndalet

Rusia dhe Ukraina kanë rënë dakord për nevojën e korridoreve humanitare për të ofruar ndihma dhe për të ndihmuar civilët të dalin nga qytetet e rrethuara të Ukrainës, në shenjën e parë të dukshme të përparimit në bisedimet midis palëve ndërluftuese.

Negociatori rus Vladimir Medinsky raportoi “përparim thelbësor” në bisedimet e së enjtes – raundi i dytë i negociatave që kur Rusia filloi pushtimin e saj në Ukrainë – duke thënë se “çështja kryesore që ne zgjidhëm sot është shpëtimi i njerëzve, civilëve që janë gjetur në një zonë të përleshjet ushtarake”.

Megjithatë, ai nuk tregoi se kur mund të krijohen korridoret e sigurta.

Marrëveshja tentative, e arritur në Bjellorusi, erdhi pasi forcat ruse vazhduan të rrethojnë dhe sulmojnë qytetet ukrainase, duke përfshirë kryeqytetin, Kievin, dhe qytetin e dytë më të madh Kharkiv.

Mijëra mendohet se kanë vdekur ose janë plagosur në konfliktin tetë-ditor, ndërsa më shumë se një milion njerëz janë larguar nga luftimet në atë që Kombet e Bashkuara e kanë quajtur eksodin më të shpejtë të refugjatëve këtë shekull.

Negociatori i Ukrainës, Mykhailo Podolyak, tha se të dy palët kanë rënë dakord të krijojnë “linja komunikimi dhe bashkëpunimi” sa më shpejt të jetë e mundur për të lehtësuar evakuimin e civilëve.

Një ndalim i përkohshëm i luftimeve në vende të caktuara ishte gjithashtu i mundur, tha ai.

“Dmth, jo kudo, por vetëm në ato vende ku do të vendosen vetë korridoret humanitare, do të jetë e mundur të pushohet zjarri për kohëzgjatjen e evakuimit,” tha ai.

Të dy palët ranë dakord në dërgimin e ilaçeve dhe ushqimeve në vendet ku po zhvilloheshin luftimet më të ashpra, tha Podolyak, duke shtuar se të dy palët do të vazhdojnë punën në “raundin e tretë në kohën më të hershme të mundshme.“

Delegacionet diskutuan gjithashtu “aspektin ushtarak” dhe “një zgjidhje të ardhshme politike të konfliktit”, sipas negociatorëve rusë. Raundi i tretë do të zhvillohet “në ditët në vijim”, gjithashtu në Bjellorusi, thanë ata.

John Herbst, një ish-ambasador i Shteteve të Bashkuara në Ukrainë, e quajti marrëveshjen për korridoret humanitare një “shenjë pozitive”.

“Nëse ekziston vullneti politik për ta bërë atë të ndodhë, mund të jetë një çështje e një dite ose dy ditësh,” tha ai për Al Jazeera.

“Është interesante që edhe pse Moska po dikton kushtet e dorëzimit të pakushtëzuar ndaj konfliktit, ata janë të gatshëm ta marrin në konsideratë këtë. Unë mendoj se kjo mund të jetë për shkak të goditjeve që ata po marrin globalisht për fushatën e tyre barbare,” shtoi ai. / Al Jazeera

Leave a Reply

Your email address will not be published.