Heidi Ojala, 42, e cila jeton në Tapanila, shpreson që aftësitë emocionale dhe ndërvepruese të mësohen në shkollën fillore si një lëndë e veçantë.
Në mars, Helsingin Uutiset raportoi për një projekt pilot të zbatuar në një shkollë në Mellunmäki, ku studimi i aftësive emocionale dhe ndërveprimit uli ngacmimin (bullizimin), ndër të tjera.
Ojala ka dy fëmijë, nga të cilët më i madhi do të shkojë në shkollë vjeshtën e ardhshme. “Do të ishte vërtet mirë nëse fëmijët mësonin aftësi emocionale në shkollë që në moshë të vogël, reflekton Ojala. Për shembull, përjetimi i ndjeshmërisë është një aftësi që gjithashtu mund të mësohet dhe praktikohet.”
Ojala është një nga personat përgjegjës për nismën e qytetarëve të filluar në mes të prillit. Qëllimi i nismës, e cila lindi në bazë të historisë së HU, është të formojë lëndën e vet nga aftësitë emocionale dhe të ndërveprimit dhe ta përfshijë atë në Aktin e Arsimit Bazë gjithashtu.
Nisma e qytetarëve ka filluar mirë: gati 10,000 nënshkrime ishin mbledhur deri të hënën pasdite. Nisma duhet të marrë të paktën 50,000 nënshkrime në gjashtë muaj që Parlamenti ta shqyrtojë atë.
Nëse iniciativa do të kalonte nëpër parlament, kjo do të thoshte që praktikisht çdo fëmijë dhe i ri do të merrte mësim sistematik të aftësive emocionale dhe ndërvepruese për nëntë vitet e ardhshme të shkollës fillore.
“Unë besoj fort se shoqëria nuk mund të bëjë një investim më të mirë në të ardhmen”, thotë Pia-Christina Roth, nismëtarja e nismës së qytetarëve.
Roth është një drejtoreshë komunikimi dhe mësuese historie dhe studimesh shoqërore dhe trainuese emocionesh që ka parë rëndësinë e aftësive emocionale dhe ndërveprimit në punën e saj. “Nëse fëmijëve u lejohet të praktikojnë këto aftësi, rezultati në të ardhmen do të jetë amjente pune dhe komunitete të shëndetshëm nga ana emocionale. Kjo, nga ana tjetër, sjell kursime dhe rritje në të ardhurat neto. Unë jam e sigurtë se kursimet e marra në këtë mënyrë do të shmangin edhe rritjen e taksave, thotë Roth për nismën, e cila filloi të nënshkruhej mes të prillit.
Për gati dy vjet, nxënësit e shkollës fillore Laakavuori kanë praktikuar të njohin ndjenjat e të tjerëve dhe, ndër të tjera, mënyra të ndryshme për të biseduar me shokët e klasës dhe prindërit.
Një orë aftësi ndërveprimi e shtuar në orarin e mësimit të studentëve ka prodhuar rezultate të shkëlqyera në shkollën ku po zbatohet projekti-pilot.
Së bashku, kënaqësia është rritur dhe përqendrimi në mësime është përmirësuar ndjeshëm. Racizmi dhe ngacmimi janë ulur në shkollë dhe fëmijët kanë mësuar të rregullojnë ndjenjat e tyre. Studentët gjithashtu kanë ardhur më shpesh për t’i thënë mësuesit nëse diçka u ka rënduar në mendje.
About Post Author
Leave a Reply