fbpx

Helsinki, shiten për 70 euro çertifikata false të Covid

Një kompani me bazë në Helsinki ka shitur çertifikata të falsifikuara që deklarojnë në mënyrë të pabazuar se mbajtësi i dokumentit është pa Covid për qëllime udhëtimi ndërkombëtar, sipas një hetimi të Yle, transmetuesi publik radio-televiziv i Finlandës.

Shumë vende u kërkojnë pasagjerëve të paraqesin prova se janë pa Covid në mënyrë që të hipin në fluturime. Disa punëdhënës vendas gjithashtu kërkojnë një provë të tillë nga, për shembull, punëtorët që vijnë nga jashtë vendit.

Firma ka shitur çertifikatat për 70 euro copa, një çmim dukshëm më i ulët se ato legjitime të lëshuara nga ndërmarrjet private të kujdesit shëndetësor.

Sipas një burimi, disa individë kanë blerë çertifikatat e provave false. Blerësve u janë lëshuar dokumentet e rreme pa u testuar për Covid-19.

Aktualisht ofruesit e kujdesit shëndetësor publik kryejnë vetëm teste të koronavirusit tek njerëzit me simptoma ose që janë ekspozuar, jo për ata që planifikojnë një udhëtim jashtë vendit.

HUS, rrethi i spitalit Helsinki dhe Uusimaa ka lëshuar versione elektronike të çertifikatave të testit negativ që nga fundi i shkurtit. Para kësaj, i vetmi opsion tjetër i ligjshëm për njerëzit ishte të paguanin deri në 300 euro për një test dhe çertifikatë nga një firmë shëndetësore private.

Krahasuar me shumë evropianë të tjerë, çmimet për provën dhe dokumentin janë relativisht të larta në Finlandë.

Leave a Reply

Your email address will not be published. Required fields are marked *

%d bloggers like this: