fbpx

BE: Me vaksinën ruse dhe kineze nuk mund të udhëtoni lirisht

Ursula von der Leyen

Vendet anëtare të Bashkimit Evropian u pajtuan të mërkurën për rihapjen e kufijve të bllokut për udhëtarët jashtë BE-së, që janë vaksinuar plotësisht kundër koronavirusit.

Vendimi, i cili është rekomanduar më herët nga Komisioni Evropian, vlen vetëm për të vaksinuarit me vaksina të miratuara nga Agjencia Evropiane e Barnave (EMA).

EMA, deri më tash, ka miratuar vaksinat e kompanive Pfizer/BioNTech, Moderna, Johnson & Johnson dhe AstraZeneca. Kjo do të thotë se ata që janë vaksinuar me vaksinat ruse dhe kineze nuk mund të përfitojnë nga lehtesimi i udhëtimit në vendet e BE.

Diplomatët miratuan edhe rritjen e nivelit të rasteve të reja me koronavirus, që një vend mund t’i shënojë, përpara se të shpallet i pasigurt.

Numri i rasteve në 100,000 banorë, që mund t’i shënojë një vend brenda dy javësh dhe të konsiderohet i sigurt, do të rritet nga 25 në 75.

Aktualisht, udhëtimet jothelbësore në BE nga të ashtuquajturat vende të treta – ku bën pjesë edhe Ballkani – janë të ndaluara.

Këto kufizime janë vendosur qysh në mars të vitit të kaluar, kur edhe ka shpërthyer pandemia e koronavirusit.

Leave a Reply

Your email address will not be published. Required fields are marked *

%d bloggers like this: